روت عائشة الشاطر ،ابنة المهندس خيرت الشاطر نائب المرشد العام لجماعة الإخوان المسلمين، ما يحدث بسحن العقرب، والمتواجد به آلاف المعتقلين من رافضى الانقلاب، وأسمته معتقل" جوانتنامو العقرب" بحسب صفحتها الشخصية بالفيس بوك؛ مطالبة بالنشر والمشاركة في هاشتاج #جونتانمو_العقرب.
وأضافت الشاطر: "يعني ايه جوانتنامو العقرب، يعني كل حاجة ممنوعة، يعني تروح من الصبح الزيارة متدخلش لحد المغرب وممكن بعد كده كمان، ويعني تجيب أكل و معلبات وفاكهة للمعتقل فيرجعك بكل حاجة انت شاريها وشايلها وواقف بيها من بدري ويقولك التعليمات الجديدة ان الحاجات دي بقيت ممنوعة".
وتابعت نجلة المهندس خيرت: "يعني حتي الدوا تاخده توديه فتفاجأ انه باعت يقولك فين الدوا يعني حتي الدوا بيسرقوه، ويعني انك تجيب الاكل و تطبخه و تحط كل الأصناف فوق بعضها لانه مش مسموح غير بعلبة واحدة كبيرة فالأكل كله علي بعضه و بعد ده كله يحط ايده و يقعد يقلب في الأكل".
واستطردت قائلة، عبر صفحتها: "يعني تزود شويه في كمية الأكل علشان يدي الإخوة اللي معاه فيقعد الظابط يزعق لك ويقولك ايه كل ده هو هياكل كل ده، ويعني المنظفات ممنوعة من الدخول و في نفس الوقت ممنوع تاخد هدومهم و لا علب الاكل تنضفلهم، ولما تدخل مناديل يمسكها و يقولك ايه ده فاكرينه نزيل في فندق، يعني انك بتتعامل مع أشباه بشر مرضي نفسيين فاكرين انهم بإذلالهم و منعهم هيكسرونا و لكن يبقي شعار الأخوة رغم كل المعاناة" .
