كتب: عبد الله سلامة
روى إبراهيم العريان- نجل الدكتور عصام العريان نائب رئيس حزب الحرية والعدالة المعتقل في مقبرة العقرب- جانبًا من كواليس زيارته لوالده، السبت، في المعتقل.
وقال "العريان"، عبر صفحته على "فيس بوك": "النهاردة زرت أبويا فى السجن، وكان العادي بتاع الزيارة وتعبها، الحر كان شديد، والزيارة نظامها دلوقتي تروح تحجز عشان تزور.. يعني تحجز فى يوم وتزور في يوم تاني، والمعتاد للأسف منع الأكل من الدخول".
وأشار "العريان" إلى أنه قابل رجلا كبيرا بلحية بيضاء جميلة ينتظر الزيارة ويقوم بالتخفيف على الناس بكلمة حلوة تصبرهم، وبنصائح للناس "اللى أول مرة تيجي وبتسأل تعمل إيه وتحجز إزاي؟!"، مشيدا بوعيه الشديد خلال تعامله مع الضباط وأمناء الشرطة هناك، فضلا عن جمال كلامه.
كما أشار "العريان" إلى مظهر الرجل، قائلا: "لابس لبس جميل.. جلابية بيضا وطاقية بيضا ونضارة مخلياه أكثر حضورا وهيبة.. بيزور ابنه اللى واخد مؤبد وهو راض وصابر ومحتسب.. والأهم من كل ده مصحفه اللى فى إيده مش سايبه، أو فى جيب الجلابية لما بيشيل شنط الزيارة".
وأضاف "العريان" أن "المصحف الشخصي اللى صفحاته دابت من العرق والقراءة .. وطوال فتره انتظارنا بالساعات لم يكل من قراءة القرآن والتسبيح فى وسط دوشة التسجيل للزيارة، وإحنا كلنا بنسيح من الحر وبنشتكي"!.
