تفاعلت هاشتاجات على منصة فيسبوك منها #حق_روان و#حق_روان_ناصر_لازم_يرجع بعد مقتل الطالبة روان ناصر بكلية العلوم جامعة الزقازيق بعد اشتباه تورط عميد الكلية د.جمال عنان بالحادثة بشكل لم يتبين بعد، وتورط اثنين من أعضاء هيئة التدريس بالكلية او كليات أخرى معه في الحادثة بحسب الهاشتاجات.
حساب شيرين شوقي Sherin Shawki من الحسابات الشهيرة على المنصة نقلت عن أعضاء هيئة الدفاع عن روان ناصر بعض أقوالهم ودعوتهم لمحامين من المشاهير بالتدخل في القضية..
وقال بحسب ما نقل إن "بيان النيابة العامة عليه علامات استفهام كتير جدا، ولا يعبر عن الحقيقه ويتناقض مع شهادة الشهود الذين حضروا الواقعه والدلائل المذكورة مبهمة وغير منطقية:
اولا: اذا كانت كاميرات المراقبة تعمل فعليا وسجلت الحادثة "فلماذا لا يتم نشر ما سجلته الكاميرات، وخصوصا كاميرا المراقبة القريبة من المكان الذي ألقيت منه الطالبة روان ناصر؟" وأن نشر المقاطع التي سجلتها الكاميرا المشار إليها اولوية لإظهار الحقيقة.
ثانيا: أشار البيان إلى أن "أحدهم" رآها تصعد للدور الخامس بمفردها، فلماذا لا يتم ذكر اسمه، ولماذا يؤخذ برأيه وحده دون عن باقي زملائها شهود الواقعة. لاسيما وأن القضية فيها مئات الشهود فلماذا تجاهل البيان كل هؤلاء الشهود؟، معربا عن تخوفات من أن يكون د.جمال عنان هو نفسه الشاهد!
وأضاف أن الشاهد المبهم "بعد ما شافها معملش حاجه غير انه طلع الدور الخامس عشان يلاقي المتعلقات الشخصيه، ثم ان واحدة هتنتحر، هتفكر تسيب متعلقاتها الشخصيه ليه، هتخاف علي حاجته لتتكسر مثلا !!".
ثالثا: روان وقعت علي ظهرها، فلو كانت هي من ألقت بنفسها لكانت وقعت علي وشها، وبعدين لوعاوز تنتحر تروح تنتحر وسط الكلية ..كلها طلاب؟!!".
رابعا: بيان النيابة العامة يقول إن سيارة الاسعاف تحركت بعد دقيقة واحدة، في حين أكد شهود العيان أن الضحية ظلت ملقاه علي الارض لاكثر من نصف ساعة، وكيف يتلقى الإسعاف 12 بلاغا بحسب بيان النيابة العامة، وفي نفس الوقت تحرك بعد دقيقة واحدة!
وأضاف، ".. كل الشهود يؤكدون أن الاسعاف تأحر لنصف ساعة والسيارة لم يكن فيها غير سائق الإسعاف فقط، والطلاب هم من نقلوا الضحية للاسعاف وليس المسعف لانه مش موجود أصلا.. والمستشفى رفض استقبالها لمجرد أنه ليس معها بطاقة الرقم القومي!
خامسا: وكيف ينسب لوالدها قول إن في خلافات أسرية؟هناك أشياء غير منطقيه أبدا، داعيا لاطلاع الرأي العام علي هذه الرسائل، غير المنطقيه ابدا، وغير الموجوده اصلا، وايه هي المحادثات اللي ارسلتها قبل قتلها وارسلتها لمن يا تري .. ولماذا لم يتم استدعاؤهم واستجوابهم، وكيف وكل الشهود تشير إلى شخص (غالبا سكرتير العميد) دخل وسط الطلبة وأخذ شنطتها ومتعلقاتها الشخصية وخرج من المكان (مشي)، ولماذا لا يتم استدعاء زملاء الضحية المقربين لسماع أقوالهم واستدعاء العميد وعدد من الدكاترة باعتبارهم متهمين.
ويخلص إلى أن بيان النيابة العامة بيان ركيك وغير منطقي بالمرة وتحس اللي كتبه هو جمال عنان المتهم الاول في القضية وهدف البيان "إخماد الراي العام وتضليله، "خصوصا بعد نجاحنا اننا نفضحهم والموضوع سمع في الوطن العربي كله وده خلي محامين كبار جدا …يتبنوا القضيه …
وقال علي فايز" Ali Fayez ": "روان ذي اختَك واختِك وبنتك ومراتك، روان تعبر عن كل البنات اللي بتتعرض لابتزاز من متحرشين، قضية روان قضيتنا كلنا، ولازم نكمل في طريقنا لفضح هذه العصابه عصابة علوم الزقازيق واللي هتلاقيها متواجده في كل مؤسسات مصر.
بيان النيابة العامة اتعمل عشان يسكتنا ويقنعنا بالباطل، مفيش قضيه ذيدي يبقي فيها مئات الشهود وفي الاخر يتم الاعتماد علي شاهد واحد مبهم، لكن احنا مكملين ومش هنسكت وهنجيب حق روان .. كده كده التحقيق هيكمل والمحامين هيطعنوا في البيان والاجراءات، لكن دعمنا للقضيه هيفرق جامد، دي قضية رأي عام ولو سكت دلوقتي نفس الكلام ده هيتعمل مع اختك وبنتك ومراتك وبنتك .
وأضاف "وخد بالك دي مش اول جريمه او فساد مالي او اداري لهذا العميد ودكاترة علوم الزقازيق، دول تاريخ حافل من الفساد والظلم، وسكوتك يعني اقرارك لهذا الفساد والظلم".
وقال الناشط إن روان "بنت ذي الورد، تربية واخلاق، فاضلها ايام وتتخرج واهلها يفرحوا بيها بعد ما تعبوا في تربيتها العمر كله لحد ما شافوها عروسه وخريجة اد الدنيا يتباهوا بيها، لكن العصابة المجرمة في كلية العلوم جامعة الزقازيق وعلي رأسهم عميد الكلية انهوا حياتها بدم بارد وحولوا فرحة اهلها الي احزان".
وحض الزملاء على عدم السكوت "رسالة الي كل الزملاء طلاب جامعة الزقازيق، متسكتش عن حق زميلتك لانه هو حقك كمان ولوسكت فالدور هيكون عليك بكرة، وبوجه كلامي بالتحديد لاصدقاء الشهيدة روان ناصر، واللي معاهم الفيديوالفضيحه للعميد والاتنين دكاترة المشتركين في عملية القتل، لو سكتوا عن هذه العصابة ومفضحتهمش فانتم مشتركين في الجريمه وستُسألوا عن هذا امام الله، بالاضافه الي ان اي حد فيكم او في الكلية عموما هيحصله حاجه فدمه فرقبتكم لان كان بايدكم توقفوا العصابة عن حدها وانتم سكتوا، روان مش اول واحده تموت في الكلية دي، سبق وحصل حالات ذيها بالاضافه الي نصبهم علي الطلاب في فلوس الدبلومات من كام سنه وغيرها، وهنكتب بوست بعدين عن التاريخ الاجرامي لكلية علوم الزقازيق.. لو سكتوا وخوفتوا من التهديدات بتاعت العميد، بكرة هيجي الدور عليكم وهيقتلكم ذي روان، سبيل النجاه الوحيد ليك هو انك تفضح هذه العصابه، اللهم بلغت اللهم فاشهد".
إخفاء فضيحة
وعلقت "مرفت جرجس" على فيسبوك "..كارثـ ـة في كلية علوم الزقازيق، لما بنت اسمها روان ناصر وقعت فجأة من الدور الخامس قدّام عيون زمايلها، في مشهد مرعـ ـب وصـ ـادم، البنت فضلت غرقانة في دمهـ ـا نص ساعة كاملة، بتصارع الموت ومفيش حد أنقـ ـذها، ولا حتى حاو ل يسعفها بشكل حقيقي، الكلية اتقلبت، والناس كلها كانت في حالة ذهول وصدمة".
وأضافت "المصيبـ ـة الأكبر إن كلية العلوم قريبة جدًا من كلية الطب، المسافة بينهم بالكاد كيلو، يعني دقيقتين بالعربية، ومع كده محدش تحرّك، في دكتور عرض ياخدها بعربيته للطب، لكن الإدارة رفضت، وقالوا محدش يلمسها، الطلبة بيحكوا إن اللي كانوا بيصوروا الموقف اتسحب منهم موبايلاتهم وكارنيهاتهم، وكأن اللي يهمهـم إخفاء الـ ـفضيـحة مش إنقـ ـاذ روح.".
وعن محاولات الانقاذ قالت "الإسعاف وصلت متأخرة، وبعد نص ساعة كاملة، ولما وصلت، تعاملوا ببرود غريب، بدون سرعة او احترافية، ولما وصلوا المستشفى، رفضوا حتى دخول زمايلها معاها عشان مفيش معاهم إثبات شخصية. الموقف كله خلّى الناس تسأل: إزاي بنت تقع ومحدش يعرف السبب؟ وإزاي مكان زي كلية علوم مفيهوش كاميرات ولا وسيلة نعرف منها الحقيقة؟".
وعلقت على المجمل كمتابع "ومحدش فاهم البنت وقعت إزاي، ولا إذا كانت جريمـ ـة ولا حـ ـادث ولا انتحـ ـار. وفي ظل غياب الكاميرات والشهود، الخـ ـوف إن القضـ ـية تتحفظ ضد مجهول كالعادة، بنطالب بتحقيق عاجل وجاد، وبمحاسبة كل مسئول قصّر وساب روان.. تمـ ـوت قدام زمايلها، ربنا يرحمها ويصبر أهلها، ويجعلها آخر ضحايا الإهمال.".
مأساة كلية العلوم
حساب هبة زكريا Heba Zakaria وتحت عنوان "علوم الزقازيق ينطبق عليها جملة( القرية الظالم أهلها) قالت: "مش عارفه الناس مستغربه ليه حادثة روان دي حاجه بسيطه من ضمن مليون حاجه حصلت بس حادثة روان هي السكينة اللي هتجيب أجلهم كلهم بإذن الله".
* علوم الزقازيق بالنسبالي انا وناس كتير فهي م'ق'بره ..ياما د*فنت آمال وأحلام وطموحات شباب كان نفسهم يطلعوا منها كل حاجه وطلعوا ولا حاجه.
* 4 سنين ضغط نف'سي وعص'بي وبدني ودكاتره تبهد'ل فيك وتمسح بيك بلاط الكليه وتستحمل ويضغطوك وتستحمل وف الآخر تتخرج تلاقي نفسك صفر ع الشمال حقيقي..
* اول مادخلنا الكلية سمعنا عن طالب ف فرقة اكبر مات بسبب استنشاق غاز سام ف المعمل ..بعده بشهرين بالظبط طالبة ماتت بنفس السبب وساعتها قالوا دي أكلت حاجه مسمومه.
* افتكر واحنا ف سنه تانيه المعيد شرح تجربه وقال خلي بالكوا وانتوا بتشتغلوا عشان الغاز بتاع المادة دي بيجيب عق*م ..طيب مابلاش نشتغلها ده المعمل فيه 40 بنت ..قال لا اجباري وقفل الباب علينا وقعد برا ف المكتب وقفل الشفاطات اللي مالية المعمل يعني لا شفاط ولا باب ولا شباك ربنا معاكوا بقى.
* موقف تاني قالوا التجربة بتاعت النهارده بتطلع غازات س'امه خلوا بالكوا ..هنخلي بالنا نعمل ايه طيب منشتغلش ؟! مش هتنجح يا حبيبي.
* موقف تالت واحنا بنشتغل ف المعمل المفروض في سخانات بنقف نسخن عليها بس بما إن الإمكانيات معدومه فكان في سخانين اتنين ف السكشن كله منهم سخان واقف عليه حوالي 10 بنات واحنا بنسخن المحلول نط من شدة السخونه م التيوب ودخل ف عين اتنين او تلاتة صحابنا ( ف عينهم مش جه على ايديهم مثلا ) والصويت اشتغل المعيد متحركش من ع الكرسي ساعتها وقال كملوا عادي واللي هيطلع م المعمل مش عارف هيحصل فيه ايه …احنا اللي جرينا نغسل عينيهم ونشوف هنعمل ايه.
* قرف ف تسجيل المواد وقرف ف كل حاجه مفيش ترم عدي علينا إلا واحنا بنعمل شكوى ونتذلل عشان ندخل للعميد او غيره ومنعرفش ندخل وبعد كده تلاقي شكوتك اللي انت مقدمها بتشتكي فيها من اضطهاد دكتور معين وظلمه وجبروته وماضي عليها انت وزمايلك..تلاقيها ف ايد الدكتور نفسه ويضحك ويستهزأ بيكو وشوفوا بقى هتعدوا المادة ازاي.
* اقولكوا على حاجه كمان ..زي ما كان فيه دكاتره كويسين ومحترمين وبيعاملونا بالإحسان ويعتبرونا عيالهم ويرأفوا بينا …كان في دكاتره بتتفنن ف أنها تبه-دلنا وتعذبنا وواخدين دكتوراه ف فن تدم^ير وتعسيف الطلبة اللي قدامهم.
* علوم الزقازيق فيها دكاتره فيهم أدب واحترام الدنيا كله وفيها دكاتره ايه بقي [ م' ت' ح' ر'ش'ي'ن ].
* اي حاجه ف علوم الزقازيق ماشية بالواس^طه ..عايز تحول من قسم لقسم بالواس'طه ..عايز تتعين ويتغير الترتيب كله عشانك برضو بالواس'طه ويا بخت من كان واسطته العميد ولا الوكيل ولا حتى واحد من اتحاد الطلبة العصافير.
* تخيل كده تبقي ف وسط دفعتك وتعرف اخبارهم وتسجلهم وتروح تنقل ده كله عشان تبقى فرخه بكشك عند المسئولين.
* انا بشرح من برا الكتاب واللي انا بشرحه ف المحاضره حاجه وهسيبلك ورق ف مكتبه برا ده حاجه تانيه واللي ف الكتاب حاجه تالته والامتحان هيجي م الورق اللي سايبهولك برا بس لومشتريتش الكتاب اللي ملوش لازمه وجبتلي الشيت الفاضي اللي مفيش فيه سؤال حتي هتسقط.
* المناهج بقي ..انت هتاخد مناهج من طب ومناهج من صيدلة ومناهج علوم ومناهج هندسه وهنجيبلك دكتوره من آداب تديلك ماده فوق العشرين مادة اللي عندك ولو لقينا دكتور ف حقوق هنجيبهولك كمان ..منهج يتدرس ف سنه كامله انت هتاخده لحد الميد وبعد الميد دكتور تاني هيجي يشرح منهج تاني مفيش وقت ياكل*ب منك ليه يلا …زميلك بتاع طب وهندسة بيروح الساعه ٢ وبياخد ٥ مواد ولا ٦ وبيتعامل معاملة بشر عاديين ..انت هتروح كل يوم بيتك بعد العشا وهتاخد ١٥ ماده وابقى اشتكي لو جدع…
* ده بالإضافه بقى للإمكانيات شبه المعدومه في المعامل والأدوات والقاعات والمدرجات وكل حاجه ..
* كان في دكاتره بتدخل تشرح وتملى السبوره وتتكلم تخلي الواحد يكتب كل حرف بيقولوه ويرجع يسمع المحاضره ليكون في حرف فاته يكتبه .. وعلى النقيض تماما في دكاتره كانت بتدخل تتكلم عن انجازاتها اللامحدوده وفي دكتور متورط ف حادثة روان دلوقتي كان بيدينا مادة كتر خيره كان ميعاد المحاضره مش مناسبه فكان بيقولنا هجيلكوا اقعد معاكوا خمس دقايق بعد السكشن ومره يجي ومره لا بس كتر خيره لما كان بيجي كان بيفتح الكتاب ويقرأه عشان احنا مبنعرفش نتهجى الكلام لسه يا عيني.
* كان في دكتور بيقول ابقوا ت*فوا ف وشي لوحد فيكوا نجح ف مادتي.
* المشكله لما كنت تشتكي ..يجي المسئول يقولك انتوا ولادنا ..انتوا مش عارفين ان انتوا نور عينينا ولا ايه ..طفيتوا نور عينينا وقهرتوا قلوبنا منكوا لله.
* لوعديت من علوم الزقازيق ف اربع سنين من غير ماتشيل مواد ف انت بطل.
* أي حد يتخرج من علوم الزقازيق عايز يخرج يتعافى نفسيا م اللي حصله جواها واللي شافه..انا قعدت سنين بحلم بكوابيس م اللي شوفته فيها ..كلنا بلا استثناء خرجنا مرضي نفسيين وفي كتير مننا لسه متجاوزوش اللي مروا بيه لحد الآن فلو ناوي تدخل علوم الزقازيق من دلوقتي ..دورلك يا حبيبي على دكتور نفسي يعالج العقد اللي هتجيلك عشان كده كده هتجيلك ده لو كملت فيها يعني ومخرجتش ..
* ده مبقاش حق روان لوحدها ..ده بقي حق كل طالب دخل علوم الزقازيق واتبهدل فيها وخرج لقى نفسه ضيع حلمه وضيع نفسه وضيع 4 سنين ف ولا حاجه ….حسبي الله ونعم الوكيل ..
