تداولت حسابات على مواقع التواصل الاجتماعي صورًا تُنشر للمرة الأولى، وتظهر عددًا من شهداء فض اعتصام رابعة العدوية، الذي وقع في أغسطس 2013.
وقال الباحث مؤمن أشرف، في منشورات عبر حسابه على فيسبوك، إن الصور عُثر عليها في هاتف أحد مساعدي نائب رئيس حكومة السيسي وزير النقل؛ كامل الوزير، الذي كان يشغل حينها منصبًا قياديًا في إدارة المهندسين العسكريين، مضيفًا أن الصور التقطها مصور عسكري عقب انتهاء عملية الفض.
كما تحدث أشرف عن وجود محادثات مرتبطة بالصور، وقال إنه مستعد لتقديم ما لديه من مواد وتفاصيل إلى جهات التحقيق أو الاستقصاء.
وأوضح الباحث في الصناعات الدفاعية مؤمن أشرف: "كامل الوزير كان بيشغل منصب مدير إدارة المهندسين العسكريين وقت فض رابعة، وكل معدات الفض هو اللي طلعها وجهزها".
وقال "مؤمن أشرف" في عدة منشورات: " ..المنشور ده مش عن فساد.. ولو مش هتقدر تفتح الصور بلاش.. صور لأول مره تطلع عن فض رابعه.. من تليفون مساعد كامل الوزير وقتها.. مش منشوره في أي مكان قبل كده.. كامل الوزير كان مدير إدارة المهندسين العسكريين وقت فض رابعه.. وكل معدات الفض كانت تبع المهندسين، كامل اللي مطلعها ومجهزها كلها.. لما خلصوا المصور العسكري نزل مع القائد بتاعه صوروا الإنجاز العظيم بتاعهم.. اي جهة تحقيق او استقصاء محتاجه تفاصيل، مستعد ابعت.. الله يلعنكم.. الله يلعنكم".
واشار إلى أن "المصور وقتها بكى وفقد اعصابه، والاوساخ كانوا بيضحكوا جنبه.. والله والله شهادة من محادثات بينهم شوفتها بنفسي".
وأضاف ".. صاحبي باعت يقولي انت كويس؟.. انا مش كويس، والله اللي شوفته وبشوفه تعدى كل الحدود.. كنت داخل بقول نفتح ملفات في مليارات سرقوها، لاقيت نفسي قدام صور تشيب لها الولدان.. ومحادثات انجاس بيضحكوا ويهزروا عشان المصور بتاعهم بكى ومقدرش يكمل تصوير في جثث الناس..
فلأ أنا مش كويس، لكن والله ما زادني إلا إصرار على اني اكمل، مهما كان التمن.. كانت قضيتي معاكم فساد، دلوقتي بقت فساد ودم.. واسماؤكم وصور ومحادثاتكم وقتها بين بعض طلعت، ومش هتختفي.. ربنا قال "ادخلوا عليهم الباب فإذا دخلتموه فإنكم غالبون" .. واحنا دخلنا، وبإذن الله نهايتها بنهايتكم..".
توقيعات السيسي على أوارق تتضمن كلمة "جثث متفحمة"
وعلق عليها مؤمن أشرف ".. وصلني من امبارح تفاصيل جديده.. وملحقتش اشوفها كلها.. لكن منهم ملف فيه عشرات الأسماء.. اختارت منهم كام واحد باسم مجهول، عشان ميكونش فيه اسم أهله موجودين ونعيد عليهم وجعهم.. معنديش حيل اعلق على حاجه.. وانت بتقرأ كل حاله فيهم حاول تتخيل إنك مكانه واللي عمل فيك كده بيطلع كل سنه يقول انا هقابل ربنا وايدي مش متعاصه بدم حد.. يا بجاحتك على الله يا سيسي!
https://www.facebook.com/share/p/1Ap22LTirw/
وقال محمود سعيد Mahmoud Said "..على خلفية انتشار صور جديدة لمذبحة فض اعتصام رابعة هحكي موقف ممكن يكون أول مرة أحكيه ع السوشيال ميديا.. بعد ماعرفنا أن أخونا حسن البنا عيد ارتقى شهيدًا وأنه كان في مسجد رابعة والمسجد تم حرقه بالمصابين أحياء والشهداء الذين ارتقوا نحسبهم كذلك.
نزلت أنا ومجموعة من الأخوة أذكرهم جميعا لا داعي لذكر أساميهم تاني يوم الفض عشان ندور على جثمان أخونا حسن الله يرحمه.. المهم اللي كان في رابعة عارف أن الخيم كانت مغطية يعتبر كامل الميدان بعد الفض الميدان شكله كان غير الميدان
الجرافات كانت موجودة عشان تزيل أثر المقتلة .. وكان موجود المصاحف المحروقة في كل مكان ع الأرض.. وكان هناك بعض ******* واقفين بيهللوا وبيزغرطوا.
المهم روحنا مسجد رابعة متلاقنياش فيه أي حاجة باقية بعديها روحنا مسجد الإيمان وبندور في كل الجثامين وبندور في الكشوفات متلاقيناش أي حاجة.. بعض الأخوة قالولنا المفروض تروحوا ع المستشفيات القريبة عشان بعض الجثامين اتنقلت هناك
وبالفعل روحنا للمستسفيات القريبة وندخل ونقولهم لك أن تتخيل أن الأخوة اللي معايا يطلبوا مني فقط أن أدخل لوحدي المشرحة عشان اتفقد كل الموتى عشان نلاقى أخونا حسن عشان هما مش هيقدروا يشوفوا المنظر فاستعنت بالله ووافقت ع أساس أن عامل المشرحة هيكون معايا ولكن عامل المشرحة قالي لأ ادخل انت وانا هستناك ع باب الأوضة
لك أن تتخيل أن تتفقد ثلاجات الموتى لتبحث عن أخ لك وتفتح ثم ترى أخًا لك في الإسلام مضروب بالرصاص في شتى أنحاء جسده ولكن لا يكون هو حسن وتفتح كل ثلاجات الموتى ولا يوجد جثمان حسن فتخرج وتروح لمستشفى ىخر وتعيد نفس المشهد والله ثم والله كنت حاسس أني أسير بدون قلب ولا عقل .
ثم بعد ذلك عرفنا أنه تم حرق جثمان أخونا حسن البنا وتم أخذ عينة DNA وتمت مطابقتها واستلمنا جثمانه بعد الفض بحوالي بضعة أيام.
وقالت تمر حنه @lhalybw12 "ظهرت صور قاسيه وصادمه جديده لمجزره ومحرقه رابعه لقوها على موبايل واحد من مساعدي كامل الوزير اللي كان أيامها في منصب قيادي باداره المهندسيين العسكريين واللي صور اصلا مصور عسكري ممكن حد يفهمني ايه مدبحه بالبشاعه دي تتصور وكل واحد منهم ياخدها وكأنهم عارفين انهم اساسا خونه. «المصور العسكري فقد أعصابه وكانوا يضحكون بجانبه»..".
وكتب خالد فياض Khaled Fayyad "حسبنا الله ونعم الوكيل.. اللهم أليم عذابك وعاجل انتقامك". وأضاف Osama Moustafa ".. دا خلاف سياسي صح.. دول اللي كل شوية تكتبوا بيان مايع موجه لهم تستعطفوهم.. الله المستعان وحسبنا الله ونعم الوكيل".
وقال سعد Saad El Ghetani ".. فشلت اسرائيل في تصعيد الي كوهين ونجحت مع السيسي المتعاص. كل مقومات قوات الاحتلال تتركز في نظام الي كوهين المصري . انا مش عارف انام للان . احساسك بالعجز حتى تصبر أهالي الضحايا قهر ما بعده قهر . حسبنا الله ونعم الوكيل".
وقال باسم محمد Bassem Mohamed Hassan ".. اشهد أنهم كانوا على حق ….وسمعت الاصوات بنفسي اصوات الرصاص والقتل وانا على بعد شارعين منهم… حسبي الله ونعم الوكيل".
وقال أحمد وجيه Ahmed Wagih: ".. ده بعد ما طلقوا البلطجية عشان يسرقوا اي حاجة فاضلة وبعدها حرقوا الميدان والخيم وسابوها تولع طول الليل عشان يخفوا أي أثر".
